Lázaro Louzao (Xove, 1988) leva 15 anos traballando no eido da fotografía artística, realizando unha ducia de exposicións individuais ata a actualidade e participando en diversas colectivas.

Iniciase no mundo do cine no 2013 como director, produtor e guionista, realizando tres curtas e estreándose na longametraxe en 2018 con Nove de Novembro, o primeiro filme de temática LGTBI rodado en galego, co cal xira por todo o mundo en máis dunha vintena de festivais e proxectando en salas e pantallas de toda Galicia. Na actualidade continua a traballar na súa obra fotográfica e prepara a súa segunda longametraxe.

Palpar a Pel é o seu primeiro libro.