Autor: Radio Fene

"As innovacións e as novas tecnoloxías deben utilizarse para avanzar na igualdade de xénero afirma a escritora e xornalista María Xosé Porteiro.

Os retos do "feminismo poscovid" pasan por aproveitar esas oportunidades sen precedentes para romper tendencias e chegar a quen corre máis risco de quedar atrás. As solucións de bases tecnolóxicas deben responder ás necesidades das mulleres e das nenas.

Porteiro presentará o seu libro #taméneu nun acto ás sete da tarde deste xoves no Ateneo Ferrolán, na rúa Magdalena, 202 de Ferrol. O volume recolle diferentes artigos de opinión feminista publicados na prensa diaria ao longo dos últimos anos.."